आम.नितेश राणे यांनी केले राऊळ कुटुंबियांचे भेटून सांत्वन…!

कणकवली / उमेश परब : सिंधुदुर्ग जिल्ह्यातील निवृत्त महावितरण कर्मचारी श्री. मारुती राऊळ यांचे निधन झाल्यानंतर सर्वच स्तरांतून त्यांना श्रद्धांजली वाहण्यात येत आहे. श्री. मारुती राऊळ हे अजातशत्रू होतेच तसेच सामाजिक कार्यासोबत सांस्कृतिक कार्यक्रमातही अनेकांचे मार्गदर्शक राहिले आहेत. त्यांच्या निधनाची वार्ता समजताच कणकवली वैभववाडी देवगड मतदार संघाचे आमदार नितेश राणे यांनी तात्काळ राऊळ कुटुंबियांची भेट घेत राऊळ कुटुंबाचे सांत्वन केले. यावेळी पं. स. सदस्य मिलिंद मेस्त्री, यांच्या समवेत वामन परब, प्रदीप गावडे, सत्यवान गावडे, सुभाष लाड, सुदर्शन राणे आदी ग्रामस्थ उपस्थित होते.