आ. नितेश राणे यांच्या प्रचारार्थ शिवसेना जिल्हा संघटक महेश कांदळगांवकर यांच्या कणकवली, देवगड, वैभववाडी तालुक्यात बैठका.
सिंधुदुर्ग : महायुतीचे कणकवली देवगड वैभववाडी विधानसभा मतदारसंघाचे महायुतीचे उमेदवार आमदार नितेश राणे यांच्या प्रचारार्थ शिवसेना जिल्हा संघटक माजी नगराध्यक्ष श्री. महेश कांदळगावकर यांच्या संघटन बैठका संपन्न झाल्या. दरम्यान आधी महेश कांदळगांवकर यांनी कणकवली येथे आमदार नितेश राणे यांची भेट घेऊन सदिच्छा दिल्या.
कणकवली, देवगड, वैभववाडी तालुक्यातील शिवसेना शाखंमध्ये महेश कांदळगांवकर यांचा शाल श्रीफळ देऊन सत्कार करण्यात आला. महेश कांदळगांवकर यांनी कार्यकर्ते व पदाधिकारी यांच्याशी संवाद साधला. पदाधिकारी आणि कार्यकर्ते यांच्या सूचनांचा व बैठकीचा अहवाल आपण जिल्हाप्रमुख दत्ता सामंत यांना देणार असल्याचे महेश कांदळगांवकर यांनी सांगितले.
यावेळी जिल्हा संघटक महेश कांदळगांवकर यांच्यासह उप जिल्हाप्रमुख एम एम सावंत महिला जिल्हाप्रमुख वर्षा कुडाळकर व श्रीमती सरिता राऊत, युवासेना जिल्हाप्रमुख मेहुल धुमाळे, उपतालुकाप्रमुख श्री.दामू सावंत, तालुका अध्यक्ष श्रीमती प्रिया टेमकर, शोभा बागवेआदी उपस्थित होते.
महेश कांदळगावकर यांनी नुकताच शिवसेना शिंदे गटाच्या जिल्हा संघटक पदाचा कार्यभार स्वीकारला आहे. हा कार्यभार स्वीकारल्यानंतर ते कणकवली येथील शिवसेना कार्यालयात भेट देवून, बैठक घेऊन निवडणूक प्रचासंदर्भात आढावा घेतला. वेगवेगळ्या ठिकाणी भेटी गाठी देऊन सुद्धा त्यांनी प्रचार यंत्रणा सुरू केली. महायुतीचे उमेदवार आमदार नितेश राणे यांना प्रचंड बहुमताने निवडून देण्यात शिवसेना शिंदे गटाने कंबर कसली असून या कणकवली देवगड वैभववाडी मतदारसंघात नितेश राणे मोठ्या मताधिक्याने विजयी होणार असा ‘इरादा पक्का’ आहे असा विश्वास कांदळगावकर यांनी व्यक्त केला.
