वैभववाडी | प्रतिनिधी : आरपीआय आठवले पक्ष कार्यकर्ता मार्गदर्शन शिबिर यशस्वी करण्याकरिता वैभववाडी तालुका अध्यक्ष रवींद्र जंगम यांनी प्रसिद्धी पत्रकार द्वारे आवाहन केले आहे.
रिपब्लिकन पार्टी ऑफ इंडिया आठवले पक्षाच्या युवक युवती व महिला तसेच पक्ष कार्यकर्त्यांचा जिल्हास्तरीय मार्गदर्शन शिबिराचे २० ऑक्टोबर २०२४ रोजी सावंतवाडी येथील मँगो हॉटेल हॉलमध्ये आयोजन करण्यात आले आहे. या शिबिरात मोठ्या संख्येने कार्यकर्त्यांनी उपस्थित राहायचे आवाहन पक्षाचे वैभववाडी तालुका अध्यक्ष रवींद्र जंगम यांनी केले आहे.
आरपीआय पक्षाचे जिल्हाध्यक्ष अजित कुमार कदम यांच्या अध्यक्षतेखाली होणाऱ्या शिबिराला पक्षाचे महाराष्ट्र प्रदेश महासचिव रमाकांत जाधव तसेच अन्य वरिष्ठ मान्यवर उपस्थित राहून मार्गदर्शन करणार आहेत अशी माहिती रवींद्र जंगम यांनी प्रसिद्धी पत्रकार द्वारे दिली आहे.
