तालुका प्रमुख हरी खोबरेकर व शहर प्रमुख पृथ्वीराज उर्फ बाबी जोगी यांचे रक्तदान शिबिरातील सहभागासाठी शिवसैनिक व दातृत्वशिल रक्तदात्या नागरीकांना शिवसेनेच्या वतीने विशेष आवाहन.
मालवण | सुयोग पंडित : सिंधुदुर्ग जिल्ह्यातील मालवण तालुका शिवसेना ( उद्धव बाळासाहेब ठाकरे प्रणित ) तालुका प्रमुख व माजी जि प सदस्य हरी खोबरेकर यांनी, हिंदुहृदय सम्राट शिवसेना प्रमुख बाळासाहेब ठाकरे यांच्या व्या जयंती निमित्त २३ जानेवारीला होत आहे मालवण तालुका शिवसेना उद्धव बाळासाहेब ठाकरे पक्षाच्या वतीने तालुक्यात ९८ सामाजिक, शैक्षणिक व आरोग्य विषयक उपक्रम राबवले जाणार आहेत अशी माहिती दिली आहे.
![](https://aaplisindhunagari.com/wp-content/uploads/2024/01/FB_IMG_16914282945262.jpg)
शिवसेना ( उद्धव बाळासाहेब ठाकरे ) तालुका प्रमुख हरी खोबरेकर.
हिंदूहृदयसम्राट बाळासाहेब ठाकरे यांच्या जयंती उपक्रमांचा आरंभ मालवण येथील रक्तदान शिबिराने होणार आहे.
![](https://aaplisindhunagari.com/wp-content/uploads/2024/01/IMG-20230117-WA01142-738x1024.jpg)
शिवसेना ( उद्धव बाळासाहेब ठाकरे ) शहर प्रमुख पृथ्वीराज उर्फ बाबी जोगी. ( मालवण शहर )
मालवण येथील माजी नगरसेवक व शिवसैनिक (उद्धव बाळासाहेब ठाकरे) लीलाधर पराडकर व आतु फर्नांडिस यांच्या स्मरणार्थ शिवसेना उध्दव बाळासाहेब ठाकरे मालवण यांच्या वतीने १८ जानेवारीला भव्य रक्तदान शिबीर मामा वरेरकर नाट्यगृह येथे सकाळी ८ ते ११ या वेळेत संपन्न होईल. शिवसैनिक, युवासैनिक, महिला आघाडी सदस्य व युवती सेनेच्या कार्यकर्त्यांनी आणि दातृत्वशील रक्तदाते नागरीक यांनी उपस्थित राहावे असे विशेष आवाहन मालवण तालुका प्रमुख हरी खोबरेकर, शहर प्रमुख पृथ्वीराज उर्फ बाबी जोगी यांनी केले आहे.