मालवण | प्रतिनिधी : सिंधुदुर्ग जिल्ह्यातील मालवण तालुक्यातल्या मसुरे येथील पत्रकार दत्तप्रसाद पेडणेकर यांना सिंधुदुर्ग जिल्हा पत्रकार संघाचा आदर्श ग्रामीण पत्रकार पुरस्कार जाहीर झाला आहे.
श्री. दत्तप्रसाद पेडणेकर हे जवळपास गेली २ दशके सातत्याने सिंधुदुर्ग ग्रामीण भागातल्या विविध घटक, पैलू, समस्या, यश व व्यक्तींना समाजापर्यंत पोहोचवत असून मुंबई स्थित कोकणवासियांना सुद्धा दत्तप्रसाद पेडणेकर यांची पत्रकारिता कोकणच्या मातीशी जोडून ठेवत असते म्हणूनही त्यांना विविध सन्मान व पुरस्कार प्राप्त झाले आहेत. विविध सामाजिक संघटनांच्या कार्रकरिणीमध्ये ते सक्रीय असून मसुरे गांव व परिसरातील परंपरा व इतिहास यावर ते सातत्याने पत्रकारितेचा ठसा उमटवत आले आहेत.
