आचरा | प्रसाद टोपले : सिंधुदुर्ग जिल्ह्यातील मालवण तालुक्यातल्या चिंदर गावठणवाडी येथील पुरोहित तसेच आचरा दशक्रोशी ब्राम्हण मंडळ, मालवण तालुका ब्राह्मण मंडळाचे माजी अध्यक्ष, इनामदार श्री देव रामेश्वर देवस्थान समिती सदस्य, श्री देवी सरस्वती वाचनालय व ग्रंथ संग्रहालयाचे अध्यक्ष भालचंद्र दत्तात्रय केळकर यांचे काल रविवारी २२ ऑक्टोबरला सायंकाळी निधन झाले. ते ६२ वर्षांचे होते.
त्यांच्या पश्चात पत्नी, दोन मुलगे, सुना, नातवंडे, भाऊ, बहिण, भावजया असा मोठा परिवार आहे. रविवारी रात्री चिंदर गावठणवाडी येथील स्मशानभूमीत त्यांच्यावर शोकाकूल वातावरणात अंतिम संस्कार करण्यात आले. आयपीएस अधिकारी म सुभ्रमण्य केळकर व मकरंद केळकर यांचे ते वडिल होत. त्यांच्या निधनाने सर्वत्र हळहळ व्यक्त केली जात आहे.
