मालवण | सुयोग पंडित : सिंधुदुर्ग जिल्ह्यातील ह्युमन राईट असोसिएश फॉर प्रोटेक्शनच्या वतीने काल ११ ऑक्टोबरला महाराष्ट्र राज्य वीज वितरण कंपनीचे कार्यकारी अभियंता श्री. बाळासाहेब मोहिते यांना कणकवलीतील वीज समस्यां बाबत निवेदन देण्यात आले. कणकवली शहरातील परब वाडी, शिवाजी नगर, जळके वाडी, पिळणकर वाडी, २ नंबर शाळा, मावूनमळा येथे गेले ३ ते ४ महिने कमी दाबाचा वीज पुरवठा होत असल्यामुळे वारंवार वीज पुरवठा खंडित होत आहे. त्यामुळे विद्युत ग्राहकांची विद्युत उपकरणे नादुरुस्त व खराब झाली आहेत. ताबडतोब स्पाॅट सर्व्हे करून वरील सर्व समस्यांचे निराकरण करण्यात येईल असे आश्वासन कार्यकारी अभियंता बाळासाहेब मोहिते यांनी दिले. कार्यकारी अभियंता यांच्या आदेशानुसार उपकार्यकारी अभियंता विलास बगडे व कणकवली शहराचे विद्युत अभियंता श्रीराम शिंदे यांनी ह्युमन राईट असोसिएशन फॉर प्रोटेक्शनचे कोकण विभागीय अध्यक्ष संतोष नाईक यांच्या समवेत स्पाॅट सर्वे केला.
तसेच सातरल वरची वाडी येथील नंदकुमार राणे यांच्या घराजवळून लाईन गेल्या मुळे पावसाळ्यात घरामध्ये वीज करंट जाणवत आहे. या वर ताबडतोब कारवाई करण्यात येईल असे आश्वासन दिले. तसेच कणकवली, देवगड, मालवण, वैभववाडी तालुक्यातील जे उघडे डिपी आहेत, त्यांना लवकरात लवकर दरवाजा बसविण्यात येईल असे आश्वासन दिले.
निवेदन देताना उपस्थित ह्युमन राईट असोसिएशन फॉर प्रोटेक्शनचे कोकण विभागीय अध्यक्ष श्री संतोष नाईक, कणकवली तालुका कार्याध्यक्ष हनिफ़भाई पीरख़ान, तालुका अध्यक्ष सौ. संजना सदडेकर , उपाध्यक्ष सदाशिव राणे, सदस्य भरत तळवडेकर उपस्थित होते.
