कणकवली | गणेश चव्हाण : सिंधुदुर्ग नाभिक समाज संघटनेचे माजी जिल्हाध्यक्ष अनिल अणावकर यांच्या मातोश्री श्रीम. श्रीमती यशवंत अणावकर ( वय ८२ ) यांचे २७ ऑगस्टला सायंकाळी कणकवलीतील निवासस्थानी वृध्दापकाळाने निधन झाले.
मंगळवारी २९ ऑगस्टला सकाळी कै. श्रीमती यशवंत अणावकर यांच्या पार्थिवावर कणकवली नगरपंचायत स्मशानभूमीत अंत्यसंस्कार करण्यात आले. यावेळी कणकवलीतील सर्व नागरीक व सिंधुदुर्ग जिल्ह्यातील सर्व नाभिक बांधवांनी, आपले व्यवसाय बंद ठेऊन उपस्थित होते.
राज्य संघटक विजय सि. चव्हाण व प्रविण कुबल यांनी श्रध्दांजली वाहतांना कै. श्रीमती अणावकर यांच्या जाण्याने नाभिक संघटनेचा आधार गेल्याने मोठी पोकळी निर्माण झाल्याचे दु:ख व्यक्त केले. यावेळी सरचिटणीस राजन पवार, जिल्हाध्यक्ष जगदिश चव्हाण महिला जिल्हाध्यक्षा सौ. प्रतिभा चव्हाण, कणकवलीतील सामाजिक कार्यकर्ते संजय मालंडकर, संघटनेचे जिल्ह्यातील सर्व पदाधिकारी, सर्व तालुकाध्यक्ष, कणकवलीतील ज्ञातीबांधव आणि मित्रमंडळ उपस्थित राहून श्रध्दांजली वाहिली.
