बांदा | राकेश परब : सिंधुदुर्ग जिल्ह्यातील बांदा येथील अनुभवी पत्रकार निलेश मोरजकर यांना राष्ट्रीय पातळीवरचा ‘भास्कर भूषण पुरस्कार जाहीर झाला आहे. येत्या २८ मे रोजी गोव्याचे मुख्यमंत्री डॉ. प्रमोद सावंत यांच्या हस्ते साखळी-गोवा येथील रवींद्र भवन नाट्यगृह येथे य् पुरस्काराचे वितरण होणार आहे. चार दिवसांपूर्वीच
त्यांना ज्ञानदीप शिक्षण विकास मंडळ, सावंतवाडीचा जिल्हास्तरीय उत्कृष्ट पत्रकार पुरस्कार जाहीर झाला होता. त्यांच्या दुहेरी पुरस्कार सन्मानाने त्यांचे बांदा शहरात अभिनंदन होत आहे.
श्री. निलेश मोरजकर हे गेली २० वर्षे पत्रकारिता क्षेत्रात कार्यरत आहेत. त्यांचे पत्रकारितेबरोबरच सामाजिक, शैक्षणिक व आरोग्य क्षेत्रात देखील योगदान आहे. जिल्ह्यातील रक्तदान चळवळीत त्यांचा सहभाग आहे. ते येथील नट वाचनालयचे ते संचालक आहेत. बांदा मराठा समाजाचे माजी अध्यक्ष देखील आहेत.
त्यांना यापूर्वी सिंधुदुर्ग जिल्हा प्रेस क्लबचा दर्पणकार बाळशास्त्री जांभेकर आदर्श पत्रकार पुरस्कार प्राप्त झाला आहे. त्यांच्या एकंदर पत्रकारितेमधील योगदानाबद्दल त्यांना ‘भास्कर भूषण’ पुरस्काराने सन्मानित करण्यात येणार आहे.
