मालवण | सुयोग पंडित : समाजातील सर्व महिलांनी व युवतींनी स्वसक्षम झालेच पाहिजे आणि कोणाच्याही हातची बाहुली बनून राहू नये असे आवाहन सुप्रसिद्ध बाॅलिवुड अभिनेत्री सौ.अक्षता कांबळी यांनी केले आहे. सिंधुदुर्ग जिल्ह्यातील कणकवलीतल्या ‘महाराष्ट्र कामगार कल्याण मंडळ कामगार कल्याण केंद्रात’ १० मार्चला रोजी जागतिक महिला दिन कार्यक्रमानिमित्त विविध क्षेत्रात उल्लेखनीय काम करणा-या कामगार व कामगार कुटुंबीय अशा ८ महिलांचा सत्कार समारंभ कार्यक्रम संपन्न झाला या वेळी त्या संबोधीत करत होत्या.
या कार्यक्रमाच्या प्रमुख अतिथी बाॅलिवुड अभिनेत्री अक्षता कांबळी होत्या . विशेष अतिथी माजी नगरसेविका नीलम पालव ,नगरसेविका कविता राणे,दीपा सरूडकर, दिव्या साळगावंकर उपस्थित होते.
कार्यक्रमाची सुरुवात दीपप्रज्वलन व सावित्रीबाई फुले यांच्या प्रतिमेला पुष्पहार अर्पण करुन करण्यात आली . उपस्थित सर्व मान्यवरांच्या हस्ते सर्व सत्कार मूर्तींना सन्मानित करण्यात आले. कामगार कल्याण चे सर्वेसर्वा संतोष नार्वेकर हे तळागाळातील सकारात्मक क्रीयाशील महिला शोधून त्यांच्या कार्याचा गौरव करतात म्हणून अक्षता कांबळी यांनी नार्वेकर यांचे कौतुक करत त्यांना पुढील कार्यासाठी शुभेच्छा दिल्या .उपस्थित इतर मान्यवर व सत्कारमुर्ती यांनी आपले मनोगत व्यक्त करत कार्यक्रमाची सांगता झाली .
