आचरा मालवण मार्गावरील घटना….
रविवार उशीरा रात्री घडला अपघात…
आचरा | प्रतिनिधी : मालवण तालुक्यातील आचरा येथे रविवार रात्री एक दुर्देवी व ह्रदयद्रावक अशी घटना घडली. भरधाव वेगाने आलेल्या कारने तिघांचा दोघांचा जीव घेतला आहे. यासंबंधी हाती आलेल्या सविस्तर वृत्तानुसार एका भरधाव वेगाने आलेल्या कारने तिघा पादचाऱ्यांना पाठीमागून धडक दिल्याने झालेल्या अपघातात पालघर येथे सेवेत असणार्या येथील एका पोलीस उपनिरीक्षकासह अन्य एकाच मृत्यू झाला आहे.सदर दुर्घटना रविवारी रात्री घडली. मृत पोलिस उपनिरीक्षकांची मुलगी ही सदर अपघातात जखमी झाली आहे.
अपघातात मृत झालेल्या पोलीस उपनिरीक्षक दीपक पुरुषोत्तम लोणे. (वय -४७, सध्या रा. आचरा, वरचीवाडी) हे पालघर जिल्ह्यात सेवेत आहेत. त्यांच्यासह जमेंदर प्रसाद (वय ५०, रा. आचरा, वरचीवाडी) यांचा कणकवली येथील रुग्णालयात उपचारादरम्यान मृत्यू झाला आहे तर मुलगी परी लोणे (वय १७) यांच्यावर उपचार सुरु आहेत.
उपनिरीक्षक दीपक लोणे व आपली मुलगी परी लोणे व सहकारी जमेंदर प्रसाद यांच्यासोबत रविवारी रात्री हॉटेलमध्ये जेवण करून घरी निघाले होते. याचवेळी आचरे हायस्कूल समोरीच्या परिसरातील रस्त्यावर पाठीमागून आलेल्या कारने तिघांना धडक दिली. अपघातानंतर रक्ताच्या थारोळ्यात पडलेल्या तिन्ही जखमींना ग्रामस्थांनी व पोलीस यांनी आचरा येथे प्राथमिक उपचार करण्यात आले आले व त्यानंतर कणकवली येथील रुग्णालयात दाखल केले. दरम्यान दीपक लोणे व जमेंदर यांचा उपचारादरम्यान मृत्यू झाला. दरम्यान, या अपघात प्रकरणी कार चालक कृष्णा राणे (वय ६०, रा. जानवली, कणकवली) यांच्या विरोधात आचरा पोलिसांनी ताब्यात घेतले आहे. अधिक तपास सहाय्यक पोलीस निरीक्षक कुलदीप पाटील यांच्या मार्गदर्शनाखाली सुरु आहे.
