मालवण | सुयोग पंडित : सिंधुदुर्ग जिल्ह्यातील कणकवली शहरातल्या एस.एम.हायस्कूल समोरील ‘सुपारी बाग मध्यवर्ती सहकारी ग्राहक संघ मर्यादीत सुपरबाजार’ येथे हळदी कुंकू समारंभ संपन्न झाला.
बाॅलिवुड,मराठी,रंगमंच तसेच लोककला तज्ञ अभिनेत्री म्हणून परिचीत असलेल्या सौ अक्षता कांबळी या कार्यक्रमाच्या प्रमुख अतिथी आकर्षण होत्या.
हा हळदीकुंकू समारंभ आज दिनांक २३ जानेवारीला संपन्न झाला . यावेळी सुपरबाजारच्या संचालिका सौ. कल्पना किशोर देसाई यांच्या हस्ते सौ कांबळी यांना पुष्पगुच्छ देऊन सन्मानित करण्यात आले ,तसेच हळदीकुंकू वाण ही देण्यात आले .
या कार्यक्रमात कर्मचारी सौ सानिका सावंत ,रुपाली चौकेकर,प्रतीक्षा माणगांवकर ,पूजा मोरे,प्रिया वाळवे,मयूरा चव्हाण, सौ मिलन पाटील उपस्थित होत्या. सुपरबाजार संस्थेचे चेरमन श्री किशोर देसाई व कणकवली व्यवस्थापक श्री राजन अनंत सावंत आणि सर्व कर्मचारी वृंद उपस्थित होते ,चेरमन श्री देसाई यांनी सौ कांबळी यांच्या कलेची प्रशंसा केली व आपल्या सुपरबाजारच्या नित्याच्या ग्राहक म्हणून भरभरून शुभेच्छा दिल्या.
सौ.अक्षता कांबळी यांनीही उपस्थित महिला,ग्राहक तसेच संपूर्ण सुपारी बाग सुपर बाजार मध्यवर्ती सहकारी ग्राहक संघ मर्यादीत या प्रकल्पाला शुभेच्छा दिल्या.
