विविध सामाजीक मंचांवरुनही व्यक्त झालेली नाराजी.
मालवण | सुयोग पंडित : सिंधुदुर्ग जिल्ह्यातील मालवण-कसाल या प्रमुख वर्दळीच्या राज्य मार्गावरील जरीमरी घाटी, कुंभारमाठ येथील रस्त्याच्या कामाला सुरवात झाली आहे . दोनच दिवसांपूर्वी युवासेना,कुंभारमाठ तर्फे बांधकाम विभागाला निवेदन देऊन या बाबत रास्तारोकोचा इशाराही देण्यात आला होता. २६ जानेवारीला हा रास्तारोकोचा संकल्प, कुंभारमाठ युवासेनेचे पदाधिकारी राहुल परब आणि सहकार्यांनी स्पष्ट केला होता.
अगखेर गेले अनेक महिने रखडलेले व मध्यंतरी निकृष्टपणे केले गेलेले हे काम सुरु झाल्याने वाहनचालकांना आता दिलासा मिळेल अशी आशा मालवणमधील वाहनधारक व सामाजिक तज्ञांनी व्यक्त केली आहे.
