युवासेना शिवसेना कुंभारमाठ यांचा रस्तारोकोचा ईशारा..!

मालवण | सुयोग पंडित: सिंधुदुर्ग जिल्ह्यातील मालवण- कसाल राज्यमार्गा वरील जरीमरी घाटी येथील मुख्य रस्त्यावर असंख्य खड्डे पडले आहेत. बांधकाम विभागाने केलेल्या मागील डागडुजीनंतरही वाहनांना योग्य रीतीने चालवता येत नाही. तसेच त्यामुळे वाहतुकीलाही अडथळा निर्माण होत आहे . या रस्त्याचे कार्पेटीकरण न केल्यास २६ जानेवारीला रास्तारोको करण्याचा इशारा ग्रामपंचायत सदस्य कुंभारमाठ तथा युवासेना उपविभागप्रमुख राहुल परब, युवासेना शाखाप्रमुख स्वामीदास शिरोडकर, संजय देऊलकर महिला पदाधिकारी शितल देऊलकर, मुक्ता राजपुत यांनी निवेदनाद्वारे दिला आहे.