शालेयखेळ क्रीडा संस्थेच्या मागण्यांबाबत क्रीडा आयुक्त सकारात्मक…!

संतोष साळसकर | ब्युरोचीफ :
शालेयखेळ क्रीडा संस्था महाराष्ट्र राज्य संघटना आणि क्रीडा संचालनालय यांच्यात सोमवारी (१७ ऑक्टोबर) झालेली बैठक सकारात्मक झाली. ४४ क्रीडा प्रकारातील खेळाडूंना क्रीडा सवलत गुण मिळावेतया मुख्य मागणीसह अन्य मागण्यांवर बैठकीत चर्चा झाली. क्रीडा आयुक्त सुहास दिवसे यांनीसंघटनेच्या मागण्यांबाबत सकारात्मक दाखवून आगामी काळात हा प्रश्न सोडवला जाईल असे याबैठकीस राज्यभरातून आलेल्या क्रीडा संघटकांना स्पष्ट केले. पुण्यातील बालेवाडीक्रीडा संकुलात क्रीडा संचालनालयात शालेय खेळ क्रीडा संस्था व क्रीडा आयुक्त सुहास दिवसे यांची एक महत्त्वाची बैठक सोमवारी झाली. या बैठकीस शालेय खेळ क्रीडा संस्थेचेअध्यक्ष शाम भोसले, सचिव शिवाजी साळुंखे, खजिनदार ॲड. राज वागदकर, उपाध्यक्ष रवींद्र चोथवे, महावीर धुळधर, सदस्य संदीप गाडे, सी. ए. तांबोळी या प्रमुख पदाधिकाऱ्यांसह क्रीडा सहसंचालक चंद्रकांत कांबळे, क्रीडा उपसंचालक अनिल चोरमले, क्रीडा उपसंचालक नवनाथ फरताडेयांची प्रमुख उपस्थिती होती. या बैठकीत शालेयखेळ क्रीडा संस्थेचे अध्यक्ष शाम भोसले, सचिव शिवाजी साळुंखे यांनी ४४ क्रीडा प्रकारांच्याविविध मागण्या क्रीडा आयुक्त सुहास दिवसे यांच्यासमोर मांडल्या. ४४ क्रीडा प्रकारात सहभागी होणाऱ्या खेळाडूंना क्रीडा सवलत गुण (ग्रेस गुण) मिळावेत ही प्रमुख मागणी होती.शासनाच्या सर्व अटी नियमांचे पालन करुन शालेय क्रीडा स्पर्धेचे आयोजन केले जाईल असेयावेळी शालेय खेळ क्रीडा संस्थेतर्फे आवर्जून सांगण्यात आले. २०१३ मध्ये ४४ क्रीडाप्रकारांचा समावेश शालेय क्रीडा स्पर्धांमध्ये करण्यात आला होता. या क्रीडा प्रकारांनाक्रीडा सवलत गुण मिळावे यासाठी यापूर्वीचे क्रीडा आयुक्तांनी शालेय शिक्षण व क्रीडाविभागाचे अवर मुख्य सचिवांना १७ जून २०२१ रोजी शिफारस केलेली आहे. शालेय खेळ क्रीडासंस्थेच्यावतीने देखील या विषयाचा सातत्याने पाठपुरावा शासन दरबारी पत्र व्यवहाराच्यामाध्यमातून केलेला आहे, अशी माहिती यावेळी देण्यात आली. आपण देखील आपल्याकार्यालयाच्यावतीने या ४४ क्रीडा प्रकारांना क्रीडा सवलत गुण मिळावेत या संदर्भात तसेच क्रीडा स्पर्धेत जास्तीत जास्त खेळाडूंनी सहभाग घ्यावा यासाठी वयोगट १४ व १७ पासूनवंचित क्रीडा प्रकारांना स्पर्धेत सहभाग घेण्यासाठी शालेय शिक्षण व क्रीडा विभाग मंत्रालयालाशिफारस करावी अशी मागणी संघटनेचे अध्यक्ष शाम भोसले, सचिव शिवाजी साळुंखे यांनी याबैठकीत केली. शालेय खेळ क्रीडा संस्थेच्या प्रमुख पदाधिकाऱ्यांचे म्हणणे ऐकून घेतल्यानंतर क्रीडा आयुक्त सुहास दिवसेयांनी देखील पदाधिकाऱ्यांच्या मुख्य मागण्यांबाबत आपली सकारात्मकता दाखवत आगामी काळातहा प्रश्न सोडवण्याचा निश्चित प्रयत्न केला जाईल, शिफारस केली जाईल असे स्पष्ट केले. शालेय खेळ क्रीडासंस्थेशी संलग्न क्रीडा संघटना शालेय खेळ क्रीडासंस्था महाराष्ट्र राज्य या संघटनेशी एकूण ३७ क्रीडा संघटना संलग्न आहेत. त्यात चायक्वांदो(शस्त्रांग), फिल्ड आर्चरी, कुडो, म्युझिकल चेअर, आष्टेडू आखाडा, हापकिडो बॉक्सिंग,बुडो मार्शल आर्ट, वुडबॉल, लंगडी, फ्लोअर बॉल, जीत कुने दो, स्पीड बॉल, तेंग सुडो, यूनिफाईट,थांग-ता मार्शल आर्ट, कुराश, फुटबॉल टेनिस, रोप स्कीपिंग, टेनिल बॉल क्रिकेट, थाय बॉक्सिंग,मॉन्टेक्स बॉल क्रिकेट, चॉक बॉल, टेबल सॉकर, टेनिस व्हॉलिबॉल, सिलंबम, जंपरोप, ट्रेडिशनलरेसलिंग, रस्सीखेच, मिनी गोल्फ, कोर्फ बॉल, सुपर सेवन क्रिकेट, टार्गेट बॉल, टेनिसक्रिकेट, ग्रॅपलिंग, ड्रॉपरोबॉल, पेंट्यांक्यू आणि वोवीनाम या क्रीडा प्रकारांच्या संघटनांचा समावेश आहे.