शिवसेना तालुकाप्रमुख व माजी जि.प.सदस्य हरी खोबरेकर व सर्व क्षेत्रातील अनेक मान्यवर उपस्थित..
नऊ दिवस चालणार महिला आणि बच्चे कंपनीसाठीही विविध उपक्रम कार्यक्रमांची पर्वणी..!
मालवण | सुयोग पंडित : सिंधुदुर्ग जिल्ह्यातील मालवण शहरात माजी नगरसेवक व माजी बांधकाम सभापती ‘यतीन खोत मित्रमंडळ’ पुरस्कृत व शिवप्रेमी समाजसेविका सौ. शिल्पा यतीन खोत आयोजीत दिमाख़दार नवरात्रोत्सवाचे काल रात्री शानदार उद्घाटन झाले.
माजी नगरसेवक व माजी बांधकाम सभापती यतीन खोत व सौ.शिल्पा यतीन खोत यांच्या निवासस्थाना जवळील मैदानावर दरवर्षी अतिशय जोशात साजरा होणारा हा नवरात्रोत्सव , कोरोना कालावधीतील कडक निर्बंधां नंतर आता पुन्हा कितीतरी पट जोमाने साजरा केला जात आहे.
या नरात्रोत्सवाच्या उद्घाटन समईपूजन व दीपप्रज्वलनाने झाले.
यावेळी शिवसेना तालुकाप्रमुख व माजी जि.प.अध्यक्ष हरी खोबरेकर, माजी पंचायत समिती सभापती सौ.पूनम परशुराम खोत, माजी नगरसेविका सौ.महानंदा खानोलकर , भाई कासवकर , बाबू गांगनाईक, बाळा परब, दिलीप पवार, बाबा चव्हाण, ज्येष्ठ उद्योजक व माजी बांधकाम सभापती व नगरसेवक यतीन खोत यांचे वडिल श्री परशुराम खोत, विनोद परब , संजय टेमकर, बाबू परब,उमेश परब, सौ.आचरेकर, सौ. प्राची गांगनाईक, सौ.हळदणकर, सौ.दीक्षा जाधव , कु. तनिष्का खोत तसेच यतीन खोत मित्रमंडळातील सदस्य, लहान मुले मुली व शहरवासीय उपस्थित होते.
नवरात्रोत्सवाचे जसजसे दिवस पुढे जातात तसतसा या सोहळ्याला नवनवीन उपक्रम कार्यक्रमांचा रंग चढत जाणार असून महिलांसाठी विशेष गरबा व फॅन्सी ड्रेस तसेच सातव्या रात्री बच्चे कंपनी साठी फॅन्सी ड्रेस स्पर्धाही आयोजीत करण्यात आली आहे.
माजी बांधकाम सभापती व नगरसेवक यतीन खोत यांनी यावेळी शहरवासीयांनी जास्तीतजास्त संख्येने या सांस्कृतिक आनंदाचा लाभ घ्यावा असे आवाहन केले.
आयोजक सौ.शिल्पा यतीन खोत यांनी सर्व मालवण वासिय व खासकरुन महिला व मुलांसाठी सांस्कृतिक व्यक्तता मंच देणे हे आपले कर्तव्य असून या सोहळ्यात जास्तीतजास्त जणांना संधी मिळवून देताना आनंद होत असल्याचे प्रतिपादन केले.
याप्रसंगी माजी नगरसेवक व माजी बांधकाम सभापती यतीन खोत व सौ. शिल्पा यतीन खोत यांनी सर्वांना देवीचा आशीर्वाद लाभून भरभराट होवो अशी देवीचरणी प्रार्थना केली.
