शिवसेना तालुकाप्रमुख हरी खोबरेकर यांनी नूतन शिवसेना उपनेते अरुण दुधवडकर यांचे केले अभिनंदन…!

मालवण | सुयोग पंडित : सिंधुदुर्ग जिल्ह्यातील मालवण तालुक्याचे शिवसेना तालुकाप्रमुख हरी खोबरेकर यांनी सिंधुदुर्ग-कोल्हापूर संपर्क प्रमुख आणि माजी ‘बेस्ट’ चेअरमन अरुण दुधवडकर यांची भेट घेतली. यावेळी तालुकाप्रमुख हरी खोबरेकर यांनी अरुण दुधवडकर यांची शिवसेना उपनेते म्हणून निवड झाल्याबद्दल मालवण तालुका शिवसेनेतर्फे विशेष अभिनंदन केले. हरी खोबरेकर यांनी त्यांच्या आगामी वाटचालीसाठी शुभेच्छा दिल्या.
यावेळी तालुकाप्रमुख हरी खोबरेकर यांच्यासोबत दीपक देसाई,युवा सेना उपशहरप्रमुख अक्षय रेवंडकर,युवासेना शाखायुवाधिकारी अक्षय भोसले आणि इतर शिवसेना कार्यकर्ते उपस्थित होते.