वैभववाडी |नवलराज काळे : नवनिर्वाचित नगरसेवक रोहन रावराणे यांच्यातर्फे आयोजीत क्रिकेट स्पर्धेचा थरार आज येथील तांबेवाडी मैदानावर अनुभवता येणार आहे.
कोरोना नियमाचे पालन करून सदर सामने खेळविण्यात येणार असल्याचे आयोजकांनी निमंत्रण पत्रिकेमध्ये स्पष्ट केले आहे. या सामन्यातील प्रथम बक्षीस 11111 रुपये असून द्वितीय बक्षीस 7777 आहे. व आकर्षक चषक देण्यात येणार आहे.
प्रत्येक सामना हा 6 षटकांचा असेल, खेळाडू हा तालुक्यातील असावा, सामन्याच्या वेळेमध्ये व षटकांमध्ये बदल करण्याचा अधिकार मंडळाकडे राहील. स्पर्धेतील खेळाडूला एका संघातच खेळता येईल, सहभागी संघाने सामन्या आधी पंधरा मिनिटे उपस्थित राहावे, थ्रो गोलंदाज वापरता येणार नाही, अशा प्रकारच्या नियम व अटी असून हे सामने तांबेवाडी येथे खेळविण्यात येणार आहेत. नगरपंचायत निवडणुकीत निवडून आल्यानंतर पहिल्यांदाच नगरसेवक रावराणे यांनी ह्या सामन्यांचे आयोजन केले आहे.
