कणकवली | उमेश परब : ( सिंधुदुर्ग ब्युरोचीफ ) : तालुक्यातील फोंडाघाटात अवघड वळणावर मारुती कंपनीच्या अर्टिगा कारला सायंकाळी ५ वाजता भीषण आग लागली.या भीषण आगीत कारमधील एक व्यक्ती जळाली असल्याची भीती व्यक्त करण्यात येत आहे. या कारचा( MH07 AG – 6297) असा नंबर आहे.
सदर कार ही कणकवली येथील वागदे गावातील एका उद्योजकाची असल्याचे प्राथमिक माहिती मिळत आहे. फोंडाघाट बाजारपेठ येथून ६ किलोमीटरच्या अंतरावर ही घटना घडली आहे.खिंडीपासून जवळच या कारला आग लागली. या घटनेचे वृत्त समजताच कणकवली पोलिस निरीक्षक सचिन हुंदळेकर व पोलिसांचे पथक घटनास्थळी दाखल झाले आहे.
