मालवण : सॉफ्टलॅब्स गृपच्या मालवण कार्यालयास मेट्रोपॉलिटन इन्स्टिट्यूट ऑफ टेक्नॉलॉजी अँड मॅनेजमेंट येथील ४९ विद्यार्थ्यांनी शैक्षणिक सहलीसाठी भेट दिली. यावेळी सहाय्यक प्राध्यापक सुदेश जामसंडेकर आणि मृणाली कुडतरकर उपस्थित होते.
यावेळी मालवण टीमच्या वरिष्ठ सदस्यांनी सॉफ्टलॅब्स ग्रुप च्या सेवांची माहिती देताना, आयटी उद्योगातील अनुकूलता आणि आय टी क्षेत्रातील शैक्षणिक महत्त्व अधोरेखित केले. यावेळी भेट देणारे विद्यार्थी आणि साॅफ्टलॅब गृप मालवणचे सध्याचे इंटर्न्स यांनी संवाद साधला व अनुभवांची देवाण घेवाण करताना इंटर्न्सनी सॉफ्टलॅब्समधील कार्यकाळात त्यांना मिळालेल्या व्यावसायिक मार्गदर्शनावर प्रकाश टाकला.
यावेळी भेट दिलेल्या विद्यार्थ्यांच्या वतीने उपप्राचार्य पूनम कदम, सॉफ्टलॅब्स मालवण टीम तसेच सॉफ्टलॅब्स ग्रुपचे सीईओ श्री. मिथिलेश बांदिवडेकर यांचे विशेष आभार मानले. ज्यांच्या दृष्टिकोनामुळे मालवणमधील होतकरू मुलांना तसेच भावी पिढी जी आय टी क्षेत्रामध्ये भविष्य घडवू पाहत आहे, त्यांना आंतरराष्ट्रीय ग्राहकांबरोबर कशा प्रकारे काम केले जाते आणि त्यासाठी कोणत्या गोष्टी आत्मसात केल्या पाहिजे याचे सखोल मार्गदर्शन मिळाले असेही त्यांनी सांगितले.
