ग्रामस्थांनी आरोप लावत तालुका आरोग्य अधिकारी डाॅक्टर पोळ यांना घेराव घालून विचारला जाब….!
कणकवली / उमेश परब : कळसुली प्राथमिक आरोग्या केंद्रात डॉक्टरांच्या हलगर्जीपणामुळेच आज पहाटे सहाच्या सुमारास कळसुली परबवाडी येथील महिलेचा दुर्दैवी मृत्यू झाला आहे. कळसुली गावातील ही तिसरी घटना आहे. कळसुली प्रा. आरोग्य केंद्रात रात्री डॉ.गणेश आयणार यांनी आपली ड्युटी संपवायच्या आधीच घरी परतले गेले असल्यामुळे परब यांचा दुर्दैवाने मृत्यू झाला आहे असल्याचा ग्रामस्थांचा आरोप आहे. सर्वसामान्य नागरिकांना जीव गमवावा लागत असल्याने कळसुली गावातील ग्रामस्थांनी कणकवली तालुका अधिकारी डॉ.पोळ यांना घेराव घातला आहे. कळसुली ग्रामपंचायत सरपंच साक्षी परब, तंटामुक्ती अध्यक्ष चंदू परब, रुपेश आंडोस्कर,सुशांत दळवी, मधुकर चव्हाण, रुजाय फर्नांडिस, मोहन दळवी,विजय परब, नंदू परब, गुणाजी परब, सत्यवान परब, नंदकिशोर सुद्रीक,कळसुली गांवातील नागरिक मोठया संख्येने उपस्थित झाले आहेत.
