प्रबोधनकार ठाकरे क्रीडा संकुलाचे डायव्हिंग मधे दुहेरी यश..!

मसुरे | सौ. प्राजक्ता पेडणेकर : नुकत्याच बंगलोर येथे पार पडलेल्या ७४ व्या वरीष्ठ राष्ट्रीय डायव्हिंग स्पर्धेत प्रबोधनकार ठाकरे क्रिडा संकुलाच्या श्री.अनुज भरत शहा यांनी पुरुषांच्या १ मीटर डायव्हिंग या क्रीडा प्रकारात उत्कृष्ठ कामगिरी करत २५६.८० गुण मिळवून रौप्य पदक पटकावले. त्याच स्पर्धेत सेनादलाच्या लंडन सिंग याने २९२.७५ गुण मिळवून सुवर्ण तर भारतीय रेल्वेचे प्रतिनिधित्व करणाऱ्या गौरव रघुवंशी यांनी रौप्य पदक प्राप्त केले. तसेच ४७ व्या कनिष्ठ राष्ट्रीय डायव्हिंग स्पर्धेमध्ये मुलींच्या गट क्रमांक २ मधे प्रबोधनकार ठाकरे क्रिडा संकुलाच्या केया हेरंब प्रभू हिने १ मीटर स्प्रिंगबोर्ड डायव्हिंग प्रकारात कांस्य पदक प्राप्त केले.
प्रबोधनकार ठाकरे क्रीडा संकुलाचे अध्यक्ष श्री. अरविंद प्रभू, सचिव डॉ. मोहन राणे आणि छत्रपती पुरस्कार विजेते श्री. तुषार गितये यांचे सहकार्य लाभले आहे.