जि.प.अध्यक्ष सौ.संजना सावंत ,आम.नितेश राणे व एड.संग्राम देसाई यांचा होणार विशेष सत्कार …
चिंदर | विवेक परब : आज कुडाळ येथे भाजप कार्यकर्ता मेळाव्याचे आयोजन केले जात असून यावेळी माजी राज्यमंत्री रवींद्र चव्हाण,भाजपा प्रदेश सचिव व माजी खासदार निलेश राणे,आमदार नितेश राणे,माजी जिल्हाध्यक्ष प्रमोद जठार,प्रदेश कार्यकारणी सदस्य दत्ता सामंत,तसेच सर्व प्रमुख जिल्ह्यातील पदाधिकारी उपस्थित राहणार आहेत . या मेळाव्यात केंद्रीय मंत्री नारायण राणे साहेब हे पदाधिकारी व कार्यकर्ते यांना मार्गदर्शन करणार आहेत. केंद्रात महत्वाचे खाते मिळाल्यामुळे जिल्ह्याच्या वतीने केंद्रीय मंत्री नारायण राणे यांचा सत्कार करण्यात येणार आहे . तसेच ई सेवाश्रम व कणकवली मतदार संघातील सर्व सरपंचांचा विमा उतरवला या बद्दल आमदार नितेश राणे साहेब तसेच बार असोसिएशनच्या उपाध्यक्षपदी ऍड . संग्राम देसाई व जिल्हा लसीकरणात राज्यात पहिला आल्याबद्दल व स्वच्छता मोहीम राबविण्यास सुरुवात केल्याबद्दल जिल्हा परिषद अध्यक्ष सौ.संजना सावंत या सर्वांचा विशेष सत्कार करण्यात येणार आहे.
केंद्रीय मंत्री नारायण राणे यांना केंद्रात मिळालेल्या महत्वाच्या खात्याच्या माध्यमातून कोकणात जास्तीत जास्त रोजगार उद्योगधंद्यांची निर्मिती व्हावी या करिता प्रयत्नशील राहावे अशा सूचना केंद्रीय मंत्री नारायण राणे साहेब यांनी दिल्या व त्या पद्धतीने काम सुरू झालेले आहे.
या संधीचा लाभ घ्यावा.या दृष्टीने जिल्ह्यात एक फार मोठे ट्रेनिंग सेंटर सुरू होणार आहे.त्यासाठी २० एकर जागेची जिल्हाधिकारी यांच्याकडे मागणी केली असुन तो पर्यंत कुडाळ एमआयडीसी येथे हे ट्रेनिंग सेंटर सुरू करण्यात येईल.खादी ग्रामोद्योग यासाठीही विशेष जागेची मागणी करण्यात आली आहे.
