शिरगांव | संतोष साळसकर : सिंधुदुर्ग जिल्ह्यातील देवगड तालुक्यातल्या साळशी गांवा जवळील चाफेड – भोगलेवाडीचे प्रतिष्ठित ज्येष्ठ नागरिक अनंत गोविंद भोगले ( ७५ वर्षे ) यांचे काल गुरुवारी १२ ऑक्टोबरला, रात्री १० वाजण्याच्या सुमारास अल्पशा आजाराने निधन झाले. त्यांच्या पश्चात पत्नी, दोन विवाहित मुलगे, सूना, एक विवाहित मुलगी, जावई, भावजय, पुतणे, पुतणी , नातवंडे असा मोठा परिवार आहे.
ग्राम विकास मुंबई मंडळ चाफेड भोगलेवाडी मंडळाचे खजिनदार रामदास भोगले यांचे ते वडील तर माजी सरपंच सत्यवान भोगले यांचे ते चुलते होत. अतिशय मनमिळाऊ स्वभावाचे होते. त्यांच्या जाण्याने सर्वत्र हळहळ व्यक्त होत आहे.
