बांदा |राकेश परब : पाडलोस सरपंच अक्षरा पाडलोसकर यांच्या अध्यक्षतेखाली नुकत्याच झालेल्या ग्रामसभेत पाडलोस तंटामुक्त समिती अध्यक्षपदी प्रशांत उर्फ बंड्या लक्ष्मण माधव यांची निवड करण्यात आली आहे.
विद्यमान अध्यक्ष मधुकर परब यांचा कालावधी संपल्याने बंड्या माधव यांची शिफारस करण्यात आली. यावेळी ग्रामसेवक प्रतिभा आळवे, उपसरपंच महादेव गावडे, आजी-माजी ग्रामपंचायत सदस्य, पदाधिकारी व ग्रामस्थ उपस्थित होते.दरम्यान, आपण पदावर असेपर्यंत सर्वांना कोणताही मतभेद न बाळगता काम करून गावातील तंटे कमी करण्याचा प्रयत्न करणार असल्याचे त्यांनी सांगितले.
