मालवण | सुयोग पंडित : सिंधुदुर्ग जिल्ह्यातील मालवण नगरपरिषदेचे माजी बांधकाम सभापती व माजी नगरसेवक मंदार केणी यांच्या वतीने काल १२ व आज १३ सप्टेंबरला दोन दिवसीय आधार कार्ड कॅम्पचे आयोजन करण्यात आले होते. पहिल्या दिवशी या कॅम्पला ५५ जणांनी आधार कार्ड संदर्भातील नोंदणी , दुरुस्ती वगैरे प्रक्रियांचा लाभ घेतला.
धुरीवाडा येथील सागरी महामार्गा जवळील हाॅटेल आराध्य येथे आयोजीत या दोन दिवसीय उपक्रमाचा आज दुसर्या दिवशी १२१ जणांनी लाभ घेतला. आधार कार्ड कॅम्पचा लाभ झालेल्या सर्वांनी मंदार केणी यांचे आभार मानले व हा कॅम्प २ दिवस आयोजीत केल्याबद्दल समाधान व्यक्त केले.
या नंतर सुद्धा वेळोवेळी नागरीकांसाठी आवश्यकता असेल तेंव्हा आपण विविध समाजोपयोगी उपक्रम राबवत राहू अशी प्रतिक्रिया माजी नगरसेवक व माजी बांधकाम सभापती मंदार केणी यांनी दिली आणि कॅम्पसाठी सहकार्य केलेल्या सर्वांची व डिजीटल तांत्रिक टीमची प्रशंसा केली.
