मसुरे | प्रतिनिधी : सिंधुदुर्ग जिल्हा महिला उत्कर्ष समितीच्या सदस्य व पदाधिकारी यांनी सिंधुदुर्ग जिल्ह्यातील नवनियुक्त जिल्हाधिकारी श्री. किशोर तावडे यांची ओरोस येथे सदिच्छा भेट घेऊन त्यांना पुढील वाटचालीस हार्दिक शुभेच्छा दिल्या. सिंधुदुर्ग जिल्हा महिला उत्कर्ष समिती ही जिल्ह्यात विविध समजभिमुख कार्य करत असून महिलांसाठी विविध प्रश्नांबाबत आवाज उठवत असते. नूतन जिल्हाधिकारी किशोर तावडे यांनी या पूर्वी प्रशासकीय सेवा ही लोकाभिमुख केली असल्याने एक कार्यतत्पर अधिकारी म्हणून त्यांचा मोठा नावलौकिक आहे. आता सिंधुदुर्ग जिल्ह्यातही त्यांची सेवा उत्तम राहील यासाठी त्यांना शुभेच्छा देण्यात आल्या असल्याची माहिती महिला उत्कर्ष समितीच्या कुडाळ तालुका अध्यक्ष दीपा ताटे यांनी दिली.
यावेळी महिला उत्कर्ष समितीच्या कुडाळ तालुका अध्यक्ष दीपा ताटे, सचिव तन्वी सावंत, सदस्या सौ सुस्मिता राणे असे सदस्य व पदाधिकारी उपस्थित होते.