मसुरे | प्रतिनिधी : सिंधुदुर्ग जिल्ह्यातील मालवण तालुक्यातल्या पोईप गांवात ‘ग्रामीण उद्यानविद्या कार्यानुभव’ कार्यक्रम अंतर्गत दाखल झालेल्या उद्यानविद्या महाविद्यालय, मुळदे येथील कृषी कन्यांचे सरपंच श्रीधर राघोजी नाईक यांनी स्वागत केले. ऑगस्ट ते डिसेंबर या कालावधीत या कृषिकन्या गांवात राहून शेतीविषयक माहिती घेणार आहेत.
गांवात राहून गावाची शेती विषयक कार्यपद्धती, विविध संस्था, शाळा, शेतीवर आधारित विविध उद्योग यांची सविस्तर माहिती घेणार आहेत. विविध शेतकर्यांच्या शेतावर जाऊन शेतीविषयक ज्ञानाची देवाणघेवाण करणार आहेत. सदर गटामध्ये कु. प्रणिता बिरादार, कु प्राची मोरे, कु अन्नु पॉल, नेहा भावठाणकर, साक्षी कडव, कु ऋतुजा पाटील या विद्यार्थिनींचा समावेश आहे.
