महाराष्ट्र राज्य प्राथमिक शिक्षक भारती शाखा मालवण चा कै.राजेंद्र ठाकूर गुरुजी कलारत्न पुरस्कार जाहीर ; उद्या कट्टा येथे कै.राजेंद्र ठाकूर कलारत्न पुरस्कार होणार प्रदान.
मालवण | सुयोग पंडित : सिंधुदुर्ग जिल्ह्यातील मालवण तालुक्यातल्या मसुरे गांवची समाज प्रगल्भ कन्या आणि एस एस पी एम कॉलेज कणकवली हरकूळ या इंजिनिअरिंग कॉलेजची कॉम्प्युटर सायन्स ची पहिल्या वर्षाची विद्यार्थिनी कु.वैभवी दत्तप्रसाद पेडणेकर हिची महाराष्ट्र राज्य प्राथमिक शिक्षक भारती शाखा मालवणच्या वतीने दरवर्षी दिला जाणारा कै. राजेंद्र ठाकूर गुरुजी कलारत्न पुरस्कारासाठी निवड करण्यात आली आहे. उद्या १६ एप्रिलला ओम साई गणेश मंगल कार्यालय कट्टा येथे हा पुरस्कार प्रदान करण्यात येणार आहे.
यावेळी यावेळी उपमुख्य कार्यकारी अधिकारी जिल्हा परिषद सिंधुदुर्ग श्री.राजेंद्र पराडकर, गटविकास अधिकारी पंचायत समिती मालवण श्री आप्पासाहेब गुजर, गटशिक्षणाधिकारी संजय माने, प्राथमिक शिक्षक भरती सिंधुदुर्ग जिल्हाध्यक्ष संतोष पाताडे आणि विविध मान्यवरांच्या उपस्थितीत सदर पुरस्कार वैभवी हिला प्रदान करण्यात येणार आहे.
तिच्या या यशाबद्दल सर्वत्र कौतुक होत आहे. नुकताच वैभवी हिला महाराष्ट्र गुणवंत युवती प्रेरणा सन्मान २०२३ हा राज्यस्तरीय पुरस्कार ठाणा येथे मिळाला होता.
