मच्छिमार नेते व शिवसेना (उ.बा.ठा.) शहरप्रमुख पृथ्वीराज ऊर्फ बाबी जोगी यांनी केलेल्या पाठपुराव्याला यश ; कुरण भागातील नागरीकांसाठीही मत्स्यजेटीचा वापर शक्य.
आ. वैभव नाईक यांच्या माध्यमातून २० लाखांच्या निधीची मंजुरी ; तालुका प्रमुख व मच्छिमार नेते हरी खोबरेकर, माजी नगराध्यक्ष महेश कांदळगांवकर , माजी नगरसेवक व बांधकाम सभापती मंदार केणी, माजी नगरसेविका दर्शना कासवकर आणि सहकार्यांचे सहकार्य लाभल्याची बाबी जोगी यांनी दिली माहिती.
मालवण | सुयोग पंडित : सिंधुदुर्ग जिल्ह्यातील मालवण शहरातल्या धुरीवाडा येथे आज मच्छिमार नेते आणि शिवसेना उद्धव बाळासाहेब ठाकरे पक्षाचे शहरप्रमुख पृथ्वीराज ऊर्फ बाबी जोगी यांनी पतन अधिकारी व मत्स्य अधिकारी यांच्यासह सायबा हाॅटेल समोरील खाडीकिनारच्या ‘मत्स्यजेटी’ बांधकाम जागेची पहाणी केली.
याबद्दल पृथ्वीराज ऊर्फ बाबी जोगी यांनी सांगितले की हा २० लाख रुपयांचा लोकोपयोगी प्रकल्प आमदार वैभव नाईक यांच्यामुळे मंजूर झाला असून आपण त्याबाबत पाठपुरावा केला होता. या प्रकल्पाच्या मंजुरीसाठी शिवसेना उद्धव बाळासाहेब ठाकरे पक्षाचे मालवणतालुका प्रमुख व मच्छिमार नेते हरी खोबरेकर, माजी नगराध्यक्ष महेश कांदळगांवकर, माजी नगरसेवक व बांधकाम सभापती मंदार केणी, माजी नगरसेविका दर्शना कासवकर आणि इतर सहकार्यांनीसुद्धा अत्यंत मोलाचे सहकार्य केले.
धुरीवाडा व कुरण भागातील नागरीकांनी आपल्याकडे तशी मागणी केली होती व ती आता पूर्णत्वाकडे जात आहे म्हणून आपल्याला व वाड्यातील स्थानिकांना समाधान वाटत असल्याचे पृथ्वीराज ऊर्फ बाबी जोगी यांनी सांगितले.
आता या मत्स्यजेटीचा उपयोग तथा वापर मच्छिमार व सायबा हाॅटेल समोरील खाडीपलिकडचे कुरणवासीयही विनासायास करु शकतील अशी माहिती मच्छिमार नेते व शिवसेना उद्धव बाळासाहेब ठाकरे पक्षाचे शहरप्रमुख पृथ्वीराज ऊर्फ बाबी जोगी यांनी दिली.
