हळवल फाटा ठरतोय अपघात प्रवण क्षेत्र.
संतोष साळसकर | सहसंपादक : सिंधुदुर्ग जिल्ह्यातील कणकवली शहरालगत असणाऱ्या मुंबई – गोवा महामार्गावरील हळवल फाटा सध्या अपघात प्रवणक्षेत्र ठरू लागला आहे. आज पहाटे ५.३० वाजण्याच्या सुमारास गोव्याच्या दिशेने जाणारी प्रवासी वाहतूक करणारी लक्झरी बस पलटी झाली. त्यात दोन प्रवाशांचा मृत्यू झाला असून सहा गंभीर जखमी झाले आहेत. काही प्रवासी किरकोळ जखमी झाले आहेत अशी माहिती पोलिसांनी दिली.
दरम्यान, या लक्झरी बसमधून सुमारे ४० प्रवासी प्रवास करीत होते. पहाटेच्या सुमारास अपघात झाल्याने एकच गहजब झाला. मृत प्रवाशांची ओळख पटविण्याचे प्रयत्न पोलिसांकडून सुरू आहेत असे सूत्रांकडून समजते आहे.
(फोटो सौजन्य : कणकवली ब्युरो)
