विवेक परब | ब्युरो चीफ : पुणे येथील आकुर्डीतल्या जयगणेश व्हिजन मधील ह्युमन राईटस असोसिएशन फाॅर प्रोटेक्शनच्या प्रमुख कार्यालयात आयोजीत कार्यक्रमात कोकण विभागीय अध्यक्ष श्री. संतोष नाईक यांची पुनर्नियुक्ती करण्यात आली आहे.
या पुनर्नियुक्तीचे पत्र राष्ट्रीय अध्यक्ष खंडूदेव कठारे यांच्या हस्ते तर राष्ट्रीय उपाध्यक्ष प्रमोद केसरकर यांचे हस्ते देण्यात आले.
तसेच रत्नागिरी जिल्हा संघटक म्हणून फेरनिवड श्री.विकास पेजे,व रत्नागिरी जिल्हा सचिव म्हणून श्री.सागर कळबंटे यांना मान्यवरांच्या हस्ते नियुक्त पत्र देण्यात आले. त्यावेळी उपस्थित राष्ट्रीय पदाधिकारी श्री.नवघनं, श्री.रामदास खोत, राज्य उपाध्यक्ष दवणे, राज्य सचिव श्री. राकेश शिंदे, राज्य निरीक्षक श्री.घन:शाम सांडीम, रत्नागिरी जिल्हा संघटक श्री. विकास पेजे, श्री.सागर कळंबटे, सिंधुदुर्ग जिल्हाध्यक्ष श्री.मनोज तोरसकर, उपस्थित होते. १२ जानेवारीला हा कार्यक्रम संपन्न झाला.
संघटनेचे कार्य व उदिष्ट याविषयी सविस्तर मार्गदर्शन मा.प्रमोद केसरकर यांनी केले व नंतर संघटना वाढीबद्दल चर्चा झाली. यानंतर पुणे जिल्हा अध्यक्ष श्री. शेरे यांचे तर्फे सर्वांना शुभेच्छा देण्यात आल्या. कार्यक्रम यशस्वी करण्यासाठी श्री. राकेश शिंदे यांनी विशेष परिश्रम घेतले. आभार प्रदर्शन श्री. घन:शाम सांडीम यांनी केले.
