ब्यूरो न्यूज : राज्यातील साडेसात हजार ग्रामपंचायतींच्या निवडणुकांसाठी विविध जिल्ह्यांतील ग्रामपंचायतींच्या सदस्यपदांसह थेट सरपंचपदाच्या निवडणुकांसाठी आज मतदान होणार आहे. यामध्ये सिंधुदुर्ग जिल्ह्यातील 325 ग्रामपंचायतीच्या निकालाकडेही सर्वांचे लक्ष लागले आहे.
महाराष्ट्रात ग्रामपंचायत निकालासाठी आज मतदान होत आहे. यामध्ये अहमदनगर २०३, अकोला २६६, अमरावती २५७, औरंगाबाद २१९, बीड ७०४, भंडारा ३६३, बुलडाणा २७९, चंद्रपूर ५९, धुळे १२८, गडचिरोली २७, गोंदिया ३४८, हिंगोली ६२, जळगाव १४०, जालना २६६, कोल्हापूर ४७५, लातूर ३५१, नागपूर २३७, नंदुरबार १२३, उस्मानाबाद १६६, पालघर ६३, परभणी १२८, पुणे २२१, रायगड २४०, रत्नागिरी २२२, सांगली ४५२, सातारा ३१९, सिंधुदुर्ग ३२५, सोलापूर १८९, ठाणे ४२, वर्धा ११३, वाशीम २८७, यवतमाळ १००, नांदेड १८१ व नाशिक १९६. एकूण- ७७५१ ग्रामपंचायतीसाठी सकाळी साडेसात सायंकाळी ५. ३० या वेळेत मतदान होईल. २० डिसेंबर रोजी मतमोजणी होणार आहे.
