चिंदर कुंभारवाडी उपविजेता तर सर्जेकोट संघ तृतीय.
विवेक परब | एडिटोरिअल असिस्टंट :
श्री भगवती माऊली यात्रे निमित्त भगवती उत्साही मंडळ चिंदर भटवाडी यांच्यावतीने कै. अमोल हडपी स्मरणार्थ आयोजित जिल्हास्तरीय टेनिस बाँल क्रिकेट स्पर्धेत मसुरे संघाने चिंदर कुंभारवाडी संघाचा पराभव करत चषकावर आपले नाव कोरले.
प्रथम क्रमांक विजेत्या मसुरे संघाला रोख रक्कम दहा हजार व चषक, उपविजेत्या चिंदर कुंभारवाडी संघाला रोख सात हजार सातशे सत्त्याहत्तर रुपये तर तृतीय क्रमांक प्राप्त सर्जेकोट संघाला पाच हजार पाचशे पंचावन्न व चषक तसेच सामनावीर, मालिकावीर, उत्कृष्ट फलंदाज, गोलंदाज, यष्टीरक्षक यांना बक्षिसे देण्यात आली. बक्षिस वितरण रविंद्र कांबळी, सदाशिव चिंदरकर, संजय हडपी, संदिप परब, सुनिल पवार यांच्या हस्ते करण्यात आले.
यावेळी भगवती उत्साही मंडळाचे युवा, तरुण व सर्व कार्यकर्त्यांनी मेहनत घेतली.
