कातवणच्या दिनेश शिंदे , प्रशांत शिंदे बंधूनी पाठवली पहिली पेटी.
संतोष साळसकर | ब्युरोचीफ :
देवगड तालुक्यातील कातवण येथील आंबा बागायतदार दिनेश दीपक शिंदे व प्रशांत सिताराम शिंदे या दोन युवा आंबा बागायत दारांनी आपल्या बागेतील हापूसचे पीक चांगल्या पद्धतीने घेऊन देव दिवाळी व मार्गशीर्ष महिन्याच्या पहिल्या गुरुवारचा मुहूर्त साधून आंबा काढण्याचा शुभारंभ करत पहिली दोन डझन ची पेटी नोव्हेंबर महिन्याच्या दुसऱ्या पंधराव्यातच मुंबई वाशी मार्केट येथील सुप्रसिद्ध व्यापारी अशोक हांडे यांच्या पेढीवर आज पाठविण्यात आली सकाळी आठ वाजता आंबे काढून या पेटीच्या शुभारंभ करण्यात आला .
कातवण येतील आंबा बागायतदार प्रशांत शिंदे व दिनेश शिंदे यांच्या गोरक्ष गणपती मंदिर या ठिकाणी असलेल्या घरानजीकच्या बागेत असलेल्या हापूसच्या कलमांना 15 ऑगस्ट पासूनच मोहर येण्यास सुरुवात झाली होती. मात्र काही कलमावरील आलेला मोहर गळून पडला मात्र चार ते पाच कलमावरील मोहरा तसाच टिकून राहिला आणि तो टिकवण्यासाठी या शिंदे बंधूंनी खूप मेहनत घेतली. त्यामुळेच या चार कलमांवरती मिळालेल्या आंब्याचे पहिले फळ काढत देवगड हापूसची पहिली पेटी आज मार्गशीर्ष महिन्याच्या पहिल्या गुरुवारी काढून शुभ मुहूर्त केला .त्यानंतर त्यापेटीची विधिवत पूजा करून ही पेटी वाशी येथे जाण्यासाठी रवाना झाली स्वतः आंबा बागायतदार शिंदे हे ही आंबापेटी घेऊन वाशी मार्केटला रवाना झाले आहेत. या दोन डझनच्या आंबा पेटीला साधारणतः सात ते आठ हजारच्या आसपास भाव मिळेल असा अंदाज शेतकरी वर्गातून व्यक्त होत आहे. मात्र यावर्षी आंबा सिझन पाहता अजूनही हापूसच्या कलमांना पालवीच येत आहे मात्र अशावेळी हापूसच्या कलमांची योग्य निगा राखत पहिली पेटी या दोन युवा आंबाबागायदारांनी पाठविली आहे. ऋतुचक्रात होत असलेले वारंवार बदल असून देखील या दोन बंधूनी मोहोर टिकविण्यासाठी व त्यावर आलेली आंबा पिकाची चव देखील स्वतः चाखून पहिली आणि त्यांनंतरच उर्वरित आंबे काढत ही पेटी आज मार्गस्थ केली आहे.
ऋतुचक्रातील बदल असून देखील योग्य पद्धतीने आंबा पिकून त्याची स्वतः चव चाखून आपण पिकविलेल्या मालाचा दर्जा चांगला आहे की नाही हे शेतकऱ्यांनी पाहणे खूप गरजेचे असते आणि हे शेतकऱ्यांनी स्वतः पाहिल्यानेच आमदार नितेश राणे यांनी देखील या दोन्ही शिंदे युवा बंधूंचे कौतुक केले आहे.
यावेळी आंबा बागायतदार दीपकचंद्र शिंदे, दिनेश शिंदे, प्रशांत शिंदे ,नरेश डामरी, पप्पू लाड आदी उपस्थित होते.
