बांदा निमजगा येथे दिपोत्सव उत्साहात साजरा..!

बांदा | राकेश परब :
बांदा निमजगा येथिल श्री देव महापुरुष देवस्थान येथे दिपोत्सवाचा कार्यक्रम मोठ्या उत्साहात व भक्तीमय वातावरणात संपन्न झाला. यावर्षी प्रथमच आयोजन असूनही ग्रामस्थांचा मोठा सहभाग लाभला. श्री देव महापुरुष पुजन करुन तसेच छत्रपती शिवाजी महाराजांच्या मुर्तीला वंदन करुन दिपोत्सवाचा आरंभ झाला. महिलावर्गाने मोठ्या संख्येने उपस्थिती दाखवत यात सहभाग घेतला. सर्वत्र पणत्या पेटविल्यानंतर आरती व प्रार्थना करण्यात आली. त्यानंतर “शिवरायांचे आठवावे रुप ,शिवरायांचा आठवावा प्रताप” या स्फुर्तीदायक प्रेरणामृताचे सामुहिक पठण करण्यात आले. सर्वांच्या कल्याणासाठी श्री देवमहापुरुषाला गाऱ्हाणे घालून या कार्यक्रमाची सांगता झाली.