श्रावण तंटामुक्ती समिती अध्यक्षपदी माजी सैनिक सुधाकर मुद्राळे यांची निवड…!

श्रावण | गणेश चव्हाण :
श्रावण गावचे तंटामुक्ती समिती अध्यक्ष म्हणून सर्वानुमते माजी सैनिक सुधाकर उर्फ बाळा आत्माराम मुद्राळे यांची निवड करण्यात आली.
सर्व समाजाचे लोक राहत असले तरी श्रावण हा गांव शांत आहे. या गावात सहसा मोठे वाद निर्माण होत नाहीत. या गावाच्या महात्मा गांधी तंटामुक्ती समितीच्या अध्यक्ष पदी सुधाकर आत्माराम मुद्राळे या स्वातंत्र्य सैनिकांची निवड केल्यामुळे श्रावण परीसरातून मुद्राळे यांचे अभिनंदन होत आहे. सुधाकर मुद्राळे हे सरळ शांत स्वभावाचे व हुशार असल्यामुळे समोरच्या व्यक्तीला कशा प्रमाणे शांत करायचे याचा पूर्ण अनुभव आहे. सैनिक म्हणुन सेवा करतांना देशांमध्ये अनेक राज्ये फिरून अनेक भाषा अवगत केल्या आहेत त्यामुळे त्यांना विविध प्रकारच्या स्वभावाच्या लोकांशी कसं वागायचं, त्यांच्या समस्या जाणून घ्यायचे याचा त्यांना गाढा अभ्यास आहे. त्यांची ही कारकीर्द पूर्णपणे यशस्वी होईल असा विश्वास यावेळी उपस्थितांनी व्यक्त केला. मुद्राळे यांची बिनविरोध निवड झाल्याबद्दल श्रावण ग्रामसभेमध्ये त्यांचे विशेष अभिनंदन करण्यात आले.