श्री.प्रगत लोके यांचे शैक्षणिक दातृत्व ; दांडी शाळेत दप्तरांचे वितरण.

मालवण | प्रतिनिधी : मुंबईस्थित श्री. प्रगत लोके यांनी मालवण दांडी शाळेतील ४० विद्यार्थ्यांना शालेय दप्तर वाटप केले. दांडी शाळेतील विद्यार्थ्यांची शैक्षणिक साहित्याची गरज लक्षात घेऊन या विद्यार्थ्यांना दप्तर वाटप करण्यात आले.
दांडी शाळा मुख्याध्यापिका सौ.विशाखा चव्हाण माजी शा.व्य.स.अध्यक्ष श्री.रविंद्र रेवंडकर यांच्या शुभहस्ते श्री.प्रगत लोके यांचा शाल व पुष्पगुच्छ देऊन सन्मान करण्यात आला.यावेळी त्यांच्या सोबत सौ.प्रेरणा लोके व माजी नगरसेवक श्री.पंकज सादये, शा.व्य.स.अध्यक्ष श्री.हेमंत चिंदरकर,उपाध्यक्ष श्री.पंकज धुरी उपस्थित होते.कार्यक्रमाचे सूत्रसंचलन राज्यपुरस्कार प्राप्त आदर्श शिक्षक श्री.शिवराज सावंत यांनी केले.यावेळी दांडी शाळा तंत्रस्नेही शिक्षक श्री.रामदास तांबे,सौ.मनिषा ठाकुर, दांडी शाळा पालक व ग्रामस्थ उपस्थित होते.