रेवंडीच्या श्री देवी भद्रकाली मंदिर येथे माघी गणेश जयंती उत्सवाचे आयोजन.

मसुरे | प्राजक्ता पेडणेकर : मालवण तालुक्यातील रेवंडी येथील श्री भद्रकाली देवी मंदिरात माघी गणेश जयंती उत्सवानिमित्त ४ ते ८ फेब्रुवारी या कालावधीत विविध धार्मिक व सांस्कृतिक कार्यक्रमांचे आयोजन करण्यात आले आहे. ४ रोजी दुपारी १२ ते २ पर्यंत महाप्रसाद, रात्री स्थानिक कलाकारांचा कार्यक्रम, ५ रोजी दुपारी १२ ते २ पर्यंत महाप्रसाद,रात्री बाळकृष्ण गोरे यांचा दशावतारी नाट्यप्रयोग. ६ रोजी सत्यनारायण महापूजा सकाळी ११ वा, दुपारी १२ ते २ पर्यंत महाप्रसाद, दुपारी हळदीकुंकू कार्यक्रम. रात्री ९ वाजता आमने-सामने डबलबारीचा सामना (बुवा-अभिषेक शिरसाट विरुद्ध बुवा प्रवीण सुतार), ७ रोजी दुपारी १२ ते २ पर्यंत महाप्रसाद, रात्री रेवंडीतील महिलांचे विनोदी नाटक-‘मीराबाई नॉट आऊट’ . ८ रोजी दुपारी १२ ते ३ पर्यंत महाप्रसाद, दुपारी ४ वाजता गणपतीची विसर्जन मिरवणूक आदी कार्यक्रम होणार आहेत. सर्वांनी लाभ घ्यावा असे आवाहन करण्यात आले आहे.