मालवणात जिज्ञासा फाऊंडेशन,चिवला बिच वाॅटरस्पोर्टस् व स्कुबा डायव्हिंग व्यावसायिकांचा स्वच्छता उपक्रम..!

मालवण | नझ़िरा शेख़ : 73 व्या प्रजासत्ताक दिनाचे औचित्य साधून जिज्ञासा फौंडेशन मालवण यांच्या वतीने चिवला बीच येथे स्वछता मोहिमेचे आयोजन केले गेले.पर्यावरण व स्वच्छता प्रेमींनी सकाळी ७ वाजता चिवला बीच येथील सिल्व्हर सॅन्ड हॉटेल शेजारी जमून या अभियानाची सुरवात केली.
या उपक्रमात जिज्ञासा फाऊंडेशनसोबतच चिवला बिच येथील व्यावसायिक,वाॅटरस्पोर्टस् व स्कूबा डायव्हिंग व्यावसायिक यांचा लक्षणीय सहभाग होता.तसेच युथ बिटस् फाॅर क्लायमेट चेंज या संस्थेने देखील यात अभ्यासपूर्ण सहभाग घेतला. सहभागी स्वयंसेवकांनी अतिशय मनोभावे चिवला बिच किनारा स्वच्छतेचा उपक्रम राबवल्याने मालवण परिसरांत जिज्ञासा फाऊंडेशन व चिवला बिच वाॅटरस्पोर्टस् व स्कूबा डायव्हिंग व्यावसायिक मंडळींची प्रशंसा करण्यात येत आहे.