प्राथमिक शिक्षक संघाकडून स्वराली मुणगेकरचे अभिनंदन

मसुरे | प्राजक्ता पेडणेकर : चिपळूण तालक्यातील परांजपे मोतीवाले या विद्यालयातील स्वराली सतिश मुणगेकर या विद्यार्थिनीने इयत्ता पाचवीच्या शिष्यवृत्ती परीक्षेत यश संपादन करून चिपळूण तालुका गुणवत्ता यादीत १६ वा क्रमांक व रत्नागिरी जिल्हा गुणवत्ता यादीत ११६ वा क्रमांक मिळविल्याबद्दल महाराष्ट्र राज्य प्राथमिक शिक्षक संघ तालुका गुहागरच्या वतीने शिष्यवृत्ती धारक विद्यार्थी व त्यांचे पालक यांचे अभिनंदन व सन्मान करण्यात आला. देवगड तालुक्यातील मुणगे येथील श्री सतिश मुणगेकर हे चिपळूण येथे शिक्षक असून त्यांची कन्या कु. स्वराली हिने शिष्यवृत्ती गुणवत्ता यादीत स्थान मिळविल्याने चिपळूण येथे त्यांच्या निवासस्थानी जाऊन जिल्हाध्यक्ष संतोष कदम व संघ शिलेदार यांच्या हस्ते भेटवस्तू देऊन अभिनंदन केले.यावेळी जिल्हा कार्याध्यक्ष श्री.कैलाश शार्दूल, शिक्षक पतपेढी संचालक सुनिल रामाणे, भारत गायकवाड, सुनिल नार्वेकर, श्री महेन्द्र रेडेकर, दिपक रेपाळ, श्री दिपक साबळे,नंदकुमार पवार, दिपक रामाणे, प्रदिप पवार,रविंद्र कुळ्ये,दिनेश जाक्कर, प्रमोद काजरोलकर,अशोक पाष्टे , रमाकांत पवार,आदी शिक्षकांनी अभिनंदन केले.