शिरगांव | संतोष साळसकर : सिंधुदुर्ग जिल्ह्यातील देवगड तालुक्यातल्या ऐतिहासिक वारसा असलेल्या साळशी येथील इनामदार श्री देवी पावणाई देवालयात रविवार २२ सप्टेंबर ते शनिवार २८ सप्टेंबर या कालावधीत अखंड हरिनाम सप्ताहाचे आयोजन करण्यात आले आहे.
या हरिनाम सप्ताहात भजनी मंडळींनी दिंड्या घेऊन सहभागी व्हावेव पांडुरंगाच्या दर्शनाचा लाभ घेऊन हरिनाम सप्ताहाची शोभा वाढवावी असे समस्त ग्रामस्थ मंडळी, बारा – पाच मानकरी व देवस्थान विश्वस्त समिती यांनी कळविले आहे. सांयकाळी ७ ते ९ या वेळेत येणाऱ्या भजनी मंडळींसाठी महाप्रसादाची सोय देखिल करण्यात आलेली आहे अशी माहिती देण्यात आली आहे.
