कणकवली | प्रतिनिधी : सिंधुरत्न फाऊंडेशनच्या अध्यक्षा आणि अभिनेत्री सौ. अक्षता कांबळी यांनी पितृपक्षानिमित्त,सिंधुदुर्ग जिल्ह्यातील असलदे गांवातल्या दिविजा वृध्दाश्रमात अन्नदान व आर्थिक मदत केली. या आश्रमात ५६ ज्येष्ठ नागरीक आहेत.
यावेळी अक्षता कांबळी यांनी मालवणी गजाली सांगून ज्येष्ठाचे मनोरंजन केले. यावेळी अक्षता कांबळी यांच्यासमवेत सौ. मिलन पाटील ,अर्चना राणे, सिद्धेश कांबळी,रविकिरण शिरवलकर, अमोल राणे,अनिल कांबळी उपस्थित होते. आश्रमाचे संचालक सिद्धेश शेट्ये आणि सर्व कर्मचारी यांनी कांबळी यांचे आभार मानले.
