राज्याच्या वरीष्ठ महिला कॅरम संघात सलग ३ वेळा निवड झालेली जिल्ह्यातील पहिली महिला कॅरमपटू.
मसुरे | प्रतिनिधी : सावंतवाडीची राष्ट्रीय कॅरमपटू केशर निर्गुण हिची ग्वाल्हेर, मध्यप्रदेश येथे होणाऱ्या ५१ व्या वरिष्ठ राष्ट्रीय कॅरम चॅम्पियनशिप २०२३-२०२४ स्पर्धेसाठी महाराष्ट्राच्या सहा जणांच्या महिला चमूत निवड झाली आहे. ही स्पर्धा मध्यप्रदेश मधील ग्वाल्हेर येथे ६ ते १० एप्रिल २०२४ दरम्यान संपन्न होणार आहे.
महाराष्ट्राच्या वरिष्ठ महिला कॅरम संघात सलग तिसऱ्या वेळी निवड होणारी सिंधुदुर्गातील ती पहिली महिला खेळाडू ठरली आहे. सिंधुदुर्ग कॅरम असोसिएशन व कॅरमपटू आणि कॅरमप्रेमींनी तिला ग्वाल्हेर येथे होणाऱ्या स्पर्धेसाठी शुभेच्छा दिल्या आहेत.
