मालवण | प्रतिनिधी : मालवण शहरातल्या दांडी आवार येथील एका विहिरीत पडलेल्या रेडकाला काल स्थानिक नागरिकांनी पालिका कर्मचाऱ्यांच्या सहकार्याने सुखरूप बाहेर काढत जीवदान दिले. परवा रात्रीच्या सुमारास एक रेडकू विहिरीत पडल्याची घटना घडली होती.
या प्रकाराची माहिती मिळताच सन्मेश उर्फ राजू परब, हेमंत मोंडकर, विशाल आचरेकर, रोहित मालडकर, भाई केळुसकर, रोहित केळुसकर यांच्यासह अन्य नागरिकांनी घटनास्थळी धाव घेतली. याची माहिती पालिकेच्या कर्मचाऱ्यांना देण्यात आली. त्यानुसार स्थानिकांनी आणि पालिका कर्मचाऱ्यांनी त्या रेडकाला बाहेर काढत त्याची सुटका केली.
