उद्या १३ जानेवारीला मसुरे केंद्र शाळेचे स्नेहसंमेलन.

मसुरे | प्रतिनिधी : सिंधुदुर्ग जिल्ह्यातील मालवण तालुक्यातल्या मसुरे येथील श्री दाजी साहेब प्रभू गांवकर केंद्र शाळा क्र.१ या शाळेचे स्नेहसंमेलन उद्या शनिवारी १३ जानेवारीला विविध उपक्रमाने होत आहे. यावेळी सकाळी ९ : ३० वाजता ईश स्तवन, स्वागत, प्रास्ताविक, हस्तलिखित प्रकाशन, बक्षीस वितरण, मान्यवरांचे सत्कार समारंभ. सायंकाळी ५ वाजता स्नेहसंमेलन उद्घाटन आणि श्री दाजी साहेब प्रभुगावकर केंद्र शाळा मसुरे नंबर एक च्या विद्यार्थ्यांचे विविध गुणदर्शन पर सांस्कृतिक कार्यक्रम. यावेळी कार्यक्रमाचे अध्यक्ष संग्राम प्रभू गावकर, उद्घाटक संदीप हडकर, प्रमुख पाहुणे सरोज परब, विशेष मान्यवर राजेश गावकर, महेश बागवे, सौ गायत्री ठाकूर,श्री संजय माने, श्री नारायण देशमुख, श्री दत्तप्रसाद पेडणेकर, सौ लक्ष्मी पेडणेकर, सन्मेष मसुरेकर, धनंजय सावंत, शिवराज सावंत आदी मान्यवर उपस्थित राहणार आहेत. यावेळी सर्वांनी उपस्थित राहण्याचे आवाहन या प्रशालेच्या उच्चश्रेणी मुख्याध्यापिका शर्वरी सावंत, शाळा व्यवस्थापन समिती अध्यक्ष सौ शितल मसुरकर आणि केंद्रशाळा मसरे क्र १ च्या वतीने करण्यात आलेले आहे.