राजस्थानचे माजी पर्यावरण मंत्री रामलाल जाट यांच्यासोबत केली चर्चा…..
ब्युरो न्यूज | विवेक परब : कुडाळ मालवणचे आमदार वैभव नाईक हे नुकतेच आपल्या खाजगी दौऱ्यानिमित्त राजस्थान येथे गेले असताना त्यांनी या दौऱ्यादरम्यान राजस्थान येथील सर्वात मोठ्या असणार्या भीलवाडा येथील सरस दूध डेअरीला भेट दिली. व तेथील दूध संकलना सह दुग्धोत्पादनाची ही माहिती घेतली. आमदार वैभव नाईक यांना महाराष्ट्र शासनाकडून “एक्स” दर्जाची सुरक्षा पुरविण्यात आली असल्याने, राजस्थान दौऱ्या दरम्यान राजस्थान सरकार कडुनही आमदार वैभव नाईक यांना पोलीस सुरक्षा पुरविण्यात आली होती. या दौऱ्यादरम्यान नाईक यांनी सरस डेअरी येथील दूध संकलन, प्रक्रिया उद्योग या संबंधी सर्व माहिती घेत असतानाच राजस्थानचे माजी पर्यावरण, वन व खनिज मंत्री व या डेअरीचे विद्यमान चेअरमन रामलाल जाट यांची भेट घेत त्यांचा सोबतही राजस्थान मधील दुग्धोत्पादनात संदर्भात चर्चा केली. राजस्थान मधील सर्वात मोठ्या असणाऱ्या या डेअरी च्या नियमित कामकाजाबाबतही नाईक यांनी माहिती घेतली. या दौऱ्यादरम्यान नाईक यांनी राजस्थानमधील दुग्धोत्पादना संदर्भात व त्यावर अवलंबून असलेल्या अर्थकारणाच्या अनुषंगानेही माजी पर्यावरण मंत्री रामलाल जाट यांच्यासोबत चर्चा केली.