परब मराठा समाज सावंतवाडी तालुका संघटक म्हणून प्रविण परब यांची निवड…

बांदा | राकेश परब : परब मराठा समाज मुंबई या संस्थेची सभा संस्थेचे मालवण तालुका संघटक जयेंद्रथ परब यांच्या अध्यक्षतेखाली मडुरा सोसायटी सभागृहात संपन्न झाली. यावेळी सावंतवाडी तालुका संघटक म्हणून प्रविण परब यांची निवड करण्यात आली. तालुक्यातील परब मराठा समाज संस्थेशी जोडण्याबाबत सभेत सकारात्मक चर्चा झाली.
यावेळी व्यासपीठावर मालवण तालुका संघटक जयेंद्रथ परब, मडुरा देवस्थान समिती अध्यक्ष आनंद परब, सोसायटी चेअरमन संतोष परब, समीर परब उपस्थित होते. यावेळी जयेंद्रथ परब यांनी परब मराठा संस्थेची विस्तृतपणे माहिती दिली. जिल्ह्यात समाजबांधव विखुरलेला असून सर्वांना संस्थेत समाविष्ट करण्याबाबत मार्गदर्शन केले.
परब को-आँपरेटिव्ह सोसायटी लि. मुंबई या पतसंस्थेच्या कार्याबाबतही त्यांनी माहिती दिली. कणकवली व कुडाळ तालुक्यात पतसंस्थेच्या शाखा कार्यान्वित असून सावंतवाडी तालुक्यात ५०० सभासद नोंदणी झाल्यानंतर पतसंस्थेची शाखा करण्याचे अभिवचनही त्यांनी दिले. यावेळी समीर परब यांनीही मार्गदर्शन केले.
यावेळी सुनील परब, नारायण परब, दिलीप परब, शंकर परब, विजय परब, जगन्नाथ परब, नकुल परब, सोमनाथ परब, हिराजी परब, दत्ताराम परब, अरुण परब, संतोष परब, शांताराम परब, दिनेश परब, बाबली परब, शशिकांत परब, अनंत परब, उल्हास परब, प्रविण ज. परब, पिंटो परब, सुभाष परब आदींसह ग्रामस्थ उपस्थित होते. प्रास्ताविक सुनील परब, स्वागत सोमनाथ परब तर आभार चेअरमन संतोष परब यांनी मानले.