मालवण | सुयोग पंडित : सिंधुदुर्ग जिल्ह्यातील मालवण तालुक्यातल्या मसुरे गांवा जवळील बांदिवडे गांवच्या बाजारवाडीतील मंगल अनंत मांजरेकर यांच्या राहत्या घराचे छप्पर अचानक कोसळून मोठे नुकसान झाले. हे कुटुंब अत्यंत गरीब असून अचानक घराचे छप्पर कोसळल्यामुळे या कुटुंबावर मोठे संकट ओढवले आहे. कुडाळ मालवणचे आमदार वैभव नाईक यांनी त्यांच्या घरी भेट देत विचारपूस करून आर्थिक मदत केली व मांजरेकर परिवाराला धीर दिला. मांजरेकर कुटुंबियांना सर्व शिवसैनिकांच्या वतीने देखील पैसे गोळा करून अधिकची आर्थिक मदत करण्यात येणार आहे.
याप्रसंगी शिवसेना उद्धव बाळासाहेब ठाकरे पक्षाचे आचरा विभागप्रमुख समीर लब्दे,मसुरा विभाग प्रमुख पिंट्या गावकर,शाखा प्रमुख मधुकर परब , युवासेना उपतालुकाप्रमुख अमित भोगले, सरपंच आशु मयेकर,उपसरपंच पुष्पक घाडीगांवकर, राहुल सावंत, ग्रामपंचायत सदस्य नारायण परब, विनायक गांवकर, सौ. गावकर, स्वप्नील मुणगेकर, चंद्रकांत परब,अनिल परब,रंजन प्रभु, माजी सरपंच दिगंबर मेस्त्री, योगेश मेस्त्री,संजय राणे, अश्विनी बांदकर,आपा परब, बबलु मिठबावकर, मया हडकर, विकास आचरेकर, आयवान फर्नांडिस यांच्यासह शिवसैनिक व युवासैनिक ( उद्धव बाळासाहेब ठाकरे गट ) उपस्थित होते.
