उद्या वैभववाडी तालुका आत्मा समिती महाराष्ट्र शासन कृषी विभाग कार्यालय व रोटरी क्लब ऑफ वैभववाडी यांचा संयुक्त उपक्रम.
नवलराज काळे | सहसंपादक : सिंधुदुर्ग जिल्ह्यातील वैभववाडी तालुका आत्मा समिती महाराष्ट्र शासन कृषी विभाग कार्यालय वैभववाडी तसेच रोटरी क्लब ऑफ वैभववाडी यांच्या संयुक्त विद्यमाने उद्या २९ ऑगस्टला अर्जुनराव राणे विद्यालय वैभववाडी येथे रान भाजी प्रदर्शन व रान भाजी पाककला स्पर्धेचे आयोजन करण्यात आले आहे. या स्पर्धेचे उद्घाटन मान्यवरांच्या हस्ते सकाळी १० :३० वाजता होणार आहे. आजच्या तरुण पिढीला आहारातील रानभाज्यांचे महत्त्व त्यांचे औषधी गुणधर्म याविषयी माहिती मिळण्यासाठी व आहारातील रानभाज्यांची असलेली परंपरा पुढे चालू राहण्यासाठी त्याचप्रमाणे आरोग्याच्या दृष्टीने महत्त्वाचे आहे यासाठी हा उपक्रम राबविण्यात आला आहे. या स्पर्धेत महिला महिला बचत गटांना सहभाग घेता येणार असून पाककलेतील विजेत्या महिलेला प्रथम क्रमांक रुपये १०००/_ व प्रमाणपत्र द्वितीय क्रमांक ७५०/_ रुपये तृतीय क्रमांक ५००/रुपये उत्तेजनार्थ ३००/ रुपये व प्रमाणपत्र प्रदान करण्यात येणार आहे.
या रानभाजी प्रदर्शन व पाककला स्पर्धेत तालुक्यातील जास्तीत जास्त महिला बचत गट व महिलांनी यात सहभागी व्हावे असे आव्हान आत्मा समितीचे अध्यक्ष जयेंद्र रावराणे व तालुका कृषी अधिकारी श्री एकनाथ गुरव व रोटरी क्लबचे अध्यक्ष संजय रावराणे यांनी केले आहे.
